我之前都可能有提過我住的小區唔係遊客區，而成日都本住一顆遊客的心的我，從來都無好好深入探索過我住的附近的小設施。我的朋友話佢以前都住呢區，今日就主動話帶我好好四處逛逛。佢帶左佢的小朋友一齊出黎，我地一齊去左荒川遊樂場。佢小朋友第一眼見我就跑左黎我身邊，哈哈～唔講以為同我好熟，其實佢係第一次見我，之前連相都未睇過。點解佢就對我咁熱情！？佢媽都猜不透。可能我都有小朋友的味道！哈哈～今次如果唔係有個小朋友一齊，我諗我都唔會有可能可以玩到呢Ｄ咁益智可愛的小遊戲。我朋友話以前唔洗排咁耐隊架，不過唔知點解今日就特別多人。呢度真係唔見有遊客的蹤影，感覺好舒服。人多而有秩序！好彩我朋友個Ｂ又乖又有耐性。
玩完之後我地又慢慢地沿步道行出黎。沿途見到好多待開的櫻花樹（而家係枯枝），完全想像到全部開晒可以有幾壯觀！行行下，見到有個神社，好寧靜，好舒服。我地坐底左係度吃下野，吹下水...住左係度２個月，先發現呢個小區其實都真係幾多康樂設施，有Ｄ麻雀雖小，五臟俱全的感覺。好多野都係細細地，不過因為唔會有太多人湧晒去使用，所以覺得好足夠。
之後，小朋友訓左係ＢＢ車，我朋友就可以好方便咁帶佢返去。點知一醒左，就喊住問媽媽點解我唔見左！哈哈～呢個小朋友好SWEET～😝
------------------------------------------------------
（寫於８／３／２０１８）
沒有留言:
發佈留言